logo

“Desk.uz”ni bilasizmi?



Desk.uz - bu onlayn rejimida axborotni boshqarish asbobi bo'lib, foydalanuvchi O'zbek Internetidagi o'zini qiziqtirgan axborot resurslarini bir joyga yig'ishi va foydalanishi mumkin. Servis oldiga qo'yilgan ustuvor vazifalardan biri turli sohalarga tegishli saytlarning eng so'nggi va foydali ma'lumotlarini (biznes, davlat organlari, aloqa va axborot sohasi, ko'ngilochar va hokazo) to'plash va taqdim etishdir. Shu yo'sinda axborotni qidirishga sarfanadigan vaqt, kuch hamda traffik tejab qolinadi.


Desk.uz ni ID.UZ xizmatidan ro'yxatga o'tgan har qanday foydalanuvchi ishlatishi mumkin. Ro'yxatdan o'tib, o'zini tanitmagan foydalanuvchilar ham xizmatdan bemalol foydalanadilar, ammo imkoniyatlari cheklangan bo'ladi.

O'z "ish stoli"ni qanday tartiblash har bir foydalanuvchining o'ziga havola: masalan, har bitta sayt uchun vidjet (widget) qilingan bo'lib, foydalanuvchi ularni ekran bo'ylab harakatlantirishi - qiziqishiga mos ravishda ustuvorligini belgilashi mumkin. Vidjetlarni mavzusiga ko'ra guruhlash, ularni tablarga biriktirib, nom berish, lozim topilmaganlarini o'chirib qo'yish imkoniyati mavjud.

DAVOMINI O'QING >>

logo

Yana elektron kutubxonalar haqida



Elektron yoki raqamli kutubxona keyingi yillar davomida eng ko'p qo'llaniladigan atamalar qatoridan joy oldi. Bu turdagi kutubxonalar faqatgina kompyuter tizimlari orqaligina foydalansa bo'ladigan resurslar (bosma, mikrofilm va boshqa tashuvchilardan farqli ravishda)ni o'z ichiga oladi. Ulardagi raqamli ma'umotlar lokal ravishda yoki kompyuter tarmoqlarida saqlab kelinadi. Raqamli kutubxona axborot qidiruv tizimining bir turidir.

Raqamli kutubxona (inglizcha digital library)atamasi bosma nashrlarda dastlab Corporation for National Research Initiativesning 1988 yilgi hisobotida tilga olingan. Keyinchalik, 1994 yildaNSF/DARPA/NASA tomonidan keng muomalaga kiritilgan. G'oyaning o'zini esa amerikalik olim Vannevar Bushning 1945 yilda e'lon qilingan "As You May Think" maqolasida uchratishimiz mumkin. Ushbu maqolada Bush kelajakda barpo etilajak, minglab kutubxona kitoblari va tadqiqot natijalariga yo'l ochib beruvchi kompyuter konsepsiyasi - Memex haqida so'z yuritgan edi. Bundan birmuncha vaqt ilgani virtual kutubxona va raqamli (elektron) kutubxona atamalari bir ma'noni anglatish uchun navbat bilan qo'llanib kelinar edi. 

DAVOMINI O'QING >>

logo

GTmetrix - saytingiz uchun texnik ko'rik



Saytlar borki, ochilishini kutib zerikib ketasiz. Saytlar borki, oddiy dial-up aloqasi bilan ham bir zumda monitoringizda paydo bo’ladi. Hisob-kitoblarga qaraganda, agarda sayt 4 soniya ichida to’liq yuklanmasa, foydalanuvchilar ushbu saytni tark etar ekanlar. GTmetrix onlayn xizmati tomonidan ishlab chiqilgan infografikada Internet saytlarining yuklanishi va sahifalarda mavjud ortiqcha ma’lumotlar masalasi tahlil qilinadi (bunda Googlening Page Speed va Yahooning YSlow texnologiyalaridan foydalanilgan).

Infografika shunday nomlanadi:


Befoyda ma'lumotni yuklashga qancha vaqt sarflanadi? Keling bilib olamiz…



GTmetrix tomonidan Internetda eng ommabop 1000 ta sayt tahlil qilib chiqilgan. Ushbu hisobot muntazam ravishda Googlening "Internetdagi 1000 ta eng ommabop sayt" reytingi ushun yetkazib beriladi va har hafta yangilab turiladi. Bundan maqsad ushbu saytlarni ko'rishda foydalanuvchilar qancha ortiqcha ma'lumotni (ortiqcha kod, HTML/CSS orqali kichraytirilgan suratlar, noto'g'ri fayl formatlari va hokazo) tushirib olishlarini aniqlash, shu bilan birga, sayt egalarini o'z resurslarini samarali optimizatsiya qilishga chorlashdir.


Tadqiqotda 3 ta optimizatsiya usuli qo'llanilgan:

1) HTML/JS/CSS ni minimal ko'rinishga keltirish;

2) Compressiyani faollashtirish;

3) Suratlarni optimisatsiya qilish (juda kattalarini kichraytish, sifatini o'rta holga keltirish).


Ma'lum bo'lishicha, har oyda dunyo Internet foydalanuvchilari jami 23,000,000 gigabayt keraksiz ma'lumotni tushirib olar ekanlar.



DAVOMI >>

logo

«O‘zbekiston milliy ensiklopediyasi»dan yangi to'plam havola qilindi

Yaqinda «O'zbekiston milliy ensiklopediyasi» Davlat ilmiy nashriyoti «Buyuk ajodolarimiz» deb nomlangan to'plami nashrdan chiqardi. Ushbu kitob Movarounnahr zaminida yashab o'tgan, «ulug' bobolarimiz», «buyuk ajdodlarimiz» deb sharaflab, g'ururlanib tilga olib kelingan mo'tabar zotlar haqida yozilgan. Bular orasida uzoq davr tillarda doston bo'lib kelgan xalq qahramonlari, chet el bosqinchilariga qarshi mardonavor kurashgan zabardast sarkardalar, jahonshumul ahamiyatga molik davlat va din arboblari, umuminsoniyat tamadduniga ulkan hissa qo'shgan buyuk mutafakkir-olimlar bor. «O'zbekiston - ilm-fan, madaniyat, davlatchilik qadimdan taraqqiy etgan mamlakatlardan biri», - deb yoziladi ushbu kitobning kirish so'zida.

Collapse )

logo

Googlening yangi servisi - Google eBookstore



BBC News ning xabar berishicha, 6 dekabr kuni Google kompaniyasi oz'ining birinchi elektron kitoblar do'konini ishga tushirgan. Unda asosan ingliz tilida bo'lgan 3 milliondan ortiq kitoblar sotuvga qo'yiladi. Google eBookstore (loyihani ishlab chiqish jarayonida uning nomi Google Editions edi) saytida xaridorlar kompaniyaning hamkorlari bo'lgan nashriyotlar tomonidan yetkazib berilgan kitoblarni xarid qilishlari mumkin. Hozirda bu do'kon faqatgina AQSh hududida faoliyat ko'rsatadi va 2011 yildan boshlab Yevropa mamlakatlari aholisi ham shu imkoniyatga ega bo'ladilar (tahlilchilarning aytishicha, o'shanda elektron kitoblar bozori ikki baravarga oshadi). Kitoblarni o'qishda esa hech qanday cheklovlar deyarli mavjud emas: ularni brauzerlar orqali noutbuk kompyuterlarida, Android OS o'rnatilgan portativ qurilmalarda, iPad planshetida, smartfonlarda va Sony Reader hamda Nook kabi bir qator riderlarda o'qish mumkin.


Google eBooks servisining imkoniyatlari haqida ushbu videotaqdimotda tanishib chiqish mumkin. Aytib o'tganimizdek, zamonaviy bestsellerlar va boshqa kitoblarni hozircha AQSh hududidagi foydalanuvchilargina sotib olishlari mumkin, ammo ko'p sonli bepul kitoblar bilan Google akkauntiga ega har qanday foydalanuvchi tanishib chiqishi mumkin.




Kutubxona 2.0 hamjamiyatidan olindi.

logo

Dunyodagi eng qimmat kitob sotildi




7 dekabr kuni Londonning Sotbi (Sotheby's) auksionida rassom va naturalist Jon Jeyms Odyubonning "Amerika Qushlari" (The Birds of America) kitobi sotilgan. The Guardian gazetasida yozilishicha, ismini aytishni istamagan xaridor kitob uchun 7,3 million funt ($10,3 mln.) to'lagan. Bu esa ochiq auksionda kitob uchun to'langan eng yuqori narxdir (bu kabi boshqa faktlarni bizning "Qiziqarli faktlar: ajoyib va g'aroyib kitoblar" sarlavhali maqolamizda o'qishingiz mumkin).

Amerika Qo'shma Shtatlari hududida uchrovchi qushlar haqidagi bu to'rt tomlik katalog 97,5 х 65 formatga ega bo'lib, qo'lda chizilgan 435 nafar ofort (metall plastinaga tushirilgan suratlar) bilan bezalgan. Ushbu asar kitob bosish tarixining noyob namunasi hisoblanadi.

Katalogning bunchalik katta o'lchamga ega ekanligi muallif Odyubonning qushlar tasvirini natural kattalikda yetkazib berish istagi bilan bog'liq. 1827-1838 yillarga oid bu durdona o'zining qiymati bilan ilgari ham rekord o'rnatgan: 2000 yilda Kristi (Christie's) auksioni savdolarida uning uchun $8,8 mln. to'langan.

Sotbi auksioni boshlanishidan oldin kitobning muallifi uni alohida-alohida sahifalarini sotishi haqidagi mish-mishlar paydo bo'lgan edi. Ammo, bu gaplar asossiz bo'lib chiqdi va bu noyob nashrning butunligi asrab qolindi.



Manba: openspace.ru 

Kutubxona 2.0 hamjamiyatidan olindi.

logo

Rossiya Davlat Kutubxonasi va XEROX hamkorlik o’rnatdi

Rossiya Davlat Kutubxonasi Yevropadagi eng yirik kutubxona sifatida Ginness Rekordlar Kitobiga kiritilgan (bunda Britaniya kutubxonasi mamlakatning orolda joylashgani sababi hisobga olinmagan ko'rinadi - tarj.). Ushbu dargohda Rossiya va uning tashqarisida yaratilgan, 367 tildagi hujjatlar saqlanadi. Kutubxonaning hozirgi fondi xaritalar, notalar, audioyozuvlar, noyon kitoblar, dissertatsiyalar, gazetalar va boshqa formatdagi resurslardan ibora bo'lib, 43 milliondan ortiqni tashkil qiladi.


Rossiya Davlat Kutubxonasi (RDK) fondidan so'nggi 140 yil ichida mashhur olimlar, amaliyotchilar, talabalar va chet ellik mehmonlar foydalanib kelishadi.


Collapse )
logo

Yangilik – yaxshi unutilgan "eskilik"..



Chaskor.Ru onlayn nashrida yaqinda "Новое - это хорошо забытое старое: в интернете возрождаются универсальные «толстые»журналы» sarlavhali maqolasi chop etildi. Maqolada muallif Aleksey Novosilsev XXI asrning birinchi o'n yilligida Rossiya mass mediasida ro'y bergan yirik o'zgarishlardan biri sifatida rus "qalin jurnallari"ning qayta tiklanishini tilga oladi. Bu hodisa Peremeny.ru, OpenSpace.ru va Snob.ru onlayn jurnalli misolida muhokama qilinadi.

Collapse )